Si Santa Priscilla at asawa na si Aquila, na manggagawa ng tolda, ay napilitang lisanin ang Roma nang pinagbawalan ni Haring Claudio ang mga hudyo na manirahan doon. Sila ay pumunta sa Korinto kung saan ay nakasama nila si San Pablo at ginawa silang kristiyano. Sinamahan nila si San Pablo sa Efeso sa kanyang ikatlong misyon. Sila ay bumalik sa Roma at ang kanilang bahay ay ginamit na pook sambahan at bumalik sa Efeso. Sila ay namatay na mga martir sa kamay ng mga pagano.
